Америкалық келіншек өз омырауынан 400 литр сүт сауды
Рекорд жаңартқан келіншек. Фото: nz1.ru
Америка құрама штаттарында тұратын Алисия Ричман есімді келіншек қайырымдылық мақсатта 400 литрге жуық омырау сүтін сауды. Нақтырақ айтқанда, ол 395 литр сүтті тоқтаусыз сауып, рекорд жаңартты.
2011 жылы Дерек есімді ұл баланы дүниеге әкелген ол өзінің омырау сүтінің көп екенін байқаған. Алисия өзін қалжыңдап «сауын сиыр» деп атапты. Ол емшек сүті азайып кетпес үшін жүйелі түрде сауып отырған. Емшек сүті құйылған бөтелкелерді мұздатқышқа жинай берген. Алисия бала емізу кезін есіне алғысы келмейді. Өйткені ол қай жерде отырса да сүтімен алысатын.
Бір күні жас ана бұл жағдайдан пайда табуға болатыны туралы біледі. Ол Деректі емізіп жүрген мерзімде Mothers’ Milk Bank қайырымдылық ұйымына сүтін өткізіп тұрды. Бұл ұйым жетім балалар, шала туған балаларды тамақтандырумен айналысады.
newstaraz.kz