Лукашенко шенеуніктердің көңілдестеріне шүйлікті

«Егер әйелдері мен көңілдестері ауру болса, оларды емдеуге тура келеді. Қалғандары жұмыста болу керек», — дейді Лукашенко.

Беларусь елдің азаматтары мен тұрақты тұратын шетел азаматтары жарты жыл бойында жұмыс істемесе, 170 еуро көлемінде салық төлеуді міндеттейтін заң жобасы ұсынылған. Минскіде және өзге де қалаларда заң жобасына қарсы акциялар жүріп жатыр. Қатысушылар құжат елдегі жұмыссыз азаматтардың құқығын бұзады дейді.

Лукашенко салық төлетуді бір жылға кейінге шегерді. Ол шенеуніктерге құжатты қайта өңдеуді тапсырды.