Мәсімов ақтөбеліктерді «біздің жерлес» деп атаған Сапарбаевқа таң қалды

Фото: NUR.KZ

Ақтөбе облысының әкімі премьер-министрдің өңірге бір күндік сапарында атқарылып жатқан жұмыстармен таныстырды деп хабарлайды NUR.KZ тілшісі.

«Дағдарысқа қарамастан үлкен компаниялармен тығыз жұмыс жасап жатырмыз. «Қазхром», «СNPС» компаниялар тарапынан қолдау білдіріп жатыр»,-деді облыс әкімі Бердібек Сапарбаев.

Облыс әкімі премьердің-министрдің алдында ірі жобаларды өз қалталарынан қаржы шығарып, қолдау білдіріп жатқан ақтөбеліктердің атын атады. Әрқайсысын бөліп жармай, Сапарбаев барлығын «біздің жерлес» тіркесімен айтты.

«Облыс орталығына мың орынға арналған «Жастар сарайы», 500 орындық «Оқушылар сарайы» салынып жатыр. Облысқа мұражай салуды біздің жерлесіміз Исламбек қолға алды. Ол қазір Астанада тұрады, құрылысқа қаржы бөліп отыр. Біздің жерлесіміз Зәмзәгүл неке қию орталығын салып жатыр. Марал Итеғұлов жас мамандарға жатақхана салып жатыр», — деді облыс әкімі.

Премьер-министр Бердібек Сапарбаевтың «наш земляк» сөзіне таң қалып, таңданысын жасыра алмады.

«Наш земляк дегеніңіз ақтөбеліктер ме?», — деді Мәсімов.

«Иә, Ақтөбе?! Сосын ғой енді осылай айтқаным…», — деген облыс әкімі бір күліп алды.

Еске сала кетейік, премьер-министр Кәрім Мәсімов Ақтөбедегі қарулы қақтығыстан соң қаланың жағдайымен танысуға келген болатын.