«Өзбеккосмос» британдық OneWeb компаниясымен жұмыс істейді
Спутник OneWeb
«Өзбеккосмос» агенттігі төменгі орбиталы спутник байланыс қызметтерін көрсететін британдық OneWeb компаниясымен әріптестік туралы меморандумға қол қойды. Бұл туралы агенттіктің баспасөз қызметі мәлімдеді.
Ақпаратқа қарағанда, тараптар Өзбекстанның шалғай жатқан аймақтарын жоғары жылдамдықтағы интернетпен қамтамасыз ету бойынша жұмыс істеуге ниет білдірген.
Меморандум аясында «мемлекеттің OneWeb’тің барлық мүмкіндігін пайдалануды» талқылаған.
«Өзбеккосмос» пен OneWeb компаниясы «OneWeb’тің сигналды аз уақыт ішінде жоғары жылдамдықта өткізуде ең төменгі орбиталды телекоммуникациялық спутник системаларын қолдану бойынша» сараптамалық орталық құруға келіскен.
Осыған дейін Өзбекстанның ақпарат технологияларын дамыту министрлігі және «Өзбеккосмос» агенттігі SpaceX компаниясының өкілдерімен елге Starlink жобасын тарту және Өзбекстанда өкілдігін ашу мүмкіндігін талқылағанын хабарлаған.
newstaraz.kz