Новости на Newstaraz.

Өзбекстанда ағайынды Миралиевтер кәсіпкер Гафур Рахимовтың 7 млн долларын ұрлады деп айыпталып жатыр

Өзбекстанда кәсіпкер Гафур Рахимовтың 7 млн долларын ұрлады деп айыпталып жатқан ағайынды Ойбек және Эльдор Миралиевтерге қатысты сот отырысы аяқталуға жақын.

Мемлекеттік айыптаушы мәліметіне қарағанда, ағайынды Миралиевтер танымал кәсіпкер Гафур Рахимов пен оның отбасы мүшелерінің сеніміне кіріп, 7 млн АҚШ долларын, «Mercedes-Benz Maybaсh» көлігін заңсыз иеленіп алған.

Сонымен бірге тағы бір кәсіпкер Шерзод Аббасхаджаевтың сеніміне кіріп, 150 мың долларын қалтасына басқан.

Ойбек Миралиевтің адвокаты Ёкутхон Худоёровтың айтуынша, ағайынды Миралиевтерге қарсы қозғалған қылмыстық іс қолдан жасалған. Себебі олардың бизнесіне көз тіккендер бар дейді.

Ойбек және Эльдор Миралиевтердің Өзбекстанда бірнеше құс фабрикасы бар. Кейбір ақпараттар бойынша бұдан бөлек ағайынды Миралиевтер Латвиядан Өзбекстанға құнарлы мал азығын импорттаумен айналысқан.

2017 жылы өзбек президенті Шавкат Мирзияев ағайынды Миралиевтердің Ташкенттегі құс фабрикасына барып, жұмыс нәтижесіне жоғары баға берген.

centralasian.org

Вам также могут понравиться

Оставьте ответ

Ваш электронный адрес не будет опубликован.

Translate »