Новости на Newstaraz.

Ресей Сириядағы әскери портты жөндеуден өткізу үшін жарты млрд доллар бөлмек

Ресей Сириядағы Тартус портын модернизациялау үшін 500 миллион доллар бөледі. Бұл жөнінде Ресейдің қорғаныс-өндіріс кешені бойынша вице-премьері Юрий Борисов мәлімдеді. Жақын төрт жылда бұл ақшаға тағы бір порт салынбақ.

Екі жыл бұрын Ресей мен Сирия Тартус порты 49 жыл бойы ресейлік әскери-теңізі флотының қарамағында болатыны жөнінде келісімге келген.

Биыл қыркүйек айында портта тағы бір орталық ашылған. Модернизациялау жұмыстары жүргізілгеннен кейін Тартусқа тағы 11 кеме сиятын болады.

12 желтоқсанда АҚШ Сенатының сыртқы істер комитеті Сириядағы әрекеттеріне байланысты Ресейге қарсы енгізген санкцияларды күшейту туралы заң жобасын мақұлдаған. Оған сәйкес, «Сирияға әдейі қару-жарақ жеткізіп, Сирия үкіметіне қаржылық, материалдық және технологиялық қолдау көрсетіп жатқандығы» анықталған ресейлік компаниялар мен азаматтарға қарсы санкциялар енгізілген.

Заң жобасы күшіне ену үшін оны АҚШ Конгрессінің екі палатасы мақұлдап, президент Дональд Трамп қол қоюуы керек.

centralasian.org

Вам также могут понравиться

Оставьте ответ

Ваш электронный адрес не будет опубликован.

Translate »