Новости на Newstaraz.

Тоқаев міндетті екпе салуға қатысты заң жобасына қол қойды

Қазақстан президенті Қасым-Жомарт Тоқаев Халық денсаулығы жөніндегі жаңа кодексе және денсаулық саласына қатысты бірнеше заңға өзгерістер енгізу жөніндегі құжатқа қол қойды.

Жаңа кодексте мына мәселелер жазылған:

— Қазақстан азаматтары үшін міндетті және ерікті вакцинациялау: заң екпе салынбаған балалардың балабақшаға баруына тыйым салады.

— қайтыс болған адамның ағзасын және жасушаларын алу тәртібі және шетел азаматтарына ауыстыру үшін Қазақстаннан шығаруға тыйым салу,

— елде электронды темекі пайдалануға шектеу қою,

— 21 жасқа дейінгі жастарға темекі сатқандарды әкімшілік жазаға тарту.

Кодекстің вакцинациялау жөніндегі баптары Қазақстан қоғамында дау туғызды. Қарсы болғандар екпенің сапасына сенбейтінін білдірді. Құжат қабылданбасын деп талап етілген онлайн-петицияға 166 мың адам қол қойған. Бірақ денсаулық сақтау министрлігі балаларға екпе салмау олардың денсаулығын қорғау құқығын бұзу болып есептелетінін алға тартты. Қазақстан БҰҰ-ның балалар құқығын қорғау жөніндегі Конвенцияға қол қойғанын жеткізді.

Тоқаев сонымен бірге әкімшілік жауапкершілікке тарту жөніндегі Кодекске қол қойды. Төтенше жағдай кезінде тәртіп бұзған адамдарға салынатын айыппұл көлемі 10 есеге өседі.

Бұдан былай ТЖ тәртібін бұзғандар 277 мың 800 теңге ($682) айыппұл салады немесе 15 тәулікке қамалады. Егер тәртіпті қайта бұзса, 555 мың 600 теңге ($1364) көлемінде айыппұл төлеп, 30 тәулікке қамауға алынады.

centralasian.org

Вам также могут понравиться

Оставьте ответ

Ваш электронный адрес не будет опубликован.

Translate »