Қырғызстанда қылмыс әлемінің белсендісі Чынгыз Жумагуловтың өліміне байланысты тергеу басталды. Бұл жөнінде елдің бас прокуратурасы баспасөз қызметінің жетекшісі Сирожиддин Камолидинов хабарлады.
Оның сөзінше, күдіктілер қамауға алынған.
«Дәу Чынгыз» деген лақап атымен танымал Чынгыз Жумагулов 30 шілдеде тергеу абақтысында өлтірілген. Тергеу мәліметінше, оны камерада бірге жатқан адамдар өлтірген.
Ол 15 шілдеде «кәсіпкерлерден үнемі ақша бопсалайды» деген күдікпен ұсталған.
Чынгыз Жумагулов осыған дейін де «адам өліміне қатысы бар» деген айыппен түрмеде отырып шыққан.