Қадыровтың 23 жастағы туысы Шешенстан Қауіпсіздік кеңесінің басшысы болып тағайындалды

Шешенстан басшысы Рамзан Қадыровтың 23 жастағы немере інісі Хамзат Кадыров республика Қауіпсіздік кеңесінің басшысы болып тағайындалды. Бұған дейін ол Курчалоевск ауданын басқарған.

Бұл туралы Рамзан Қадыровтың тағы бір туысы Турпал-Әли Ибрагимов инстаграмдағы парақшасында хабарлаған. Жаңа тағайындау туралы мәліметті Кавказ.Реалии сайты таратқан соң, Турпал-Әли Ибрагимов құттықтау жазбасын өшіріп тастады.

Шешенстан басшысының және үкіметінің баспасөз қызметтері бұл мәліметті жоққа шығармады.

23 жастағы Хамзат Қадыров Шешенстан мемлекеттік университетін, Хафиздер мектебін бітірген. 2018 жылы маусым айында ол Курчалоевск ауданына басшы болып барды.

Рамзан Қадыровтың туыстары республиканың билік құрылымдарындағы маңызды қызметтерде отыр.

centralasian.org

Комментарий (0)
Добавить комментарий