Жогорку Кеңеш депутаты Таабалды Тиллаев үкіметті Қазақстанмен шекарадағы өткізу бекеттерінде жүк тасымалдаушылардың ұзын-сонар кезегін шешуді сұрады. Оның сөзінше, қазақ жағы шекарадан өту үшін ақша талап етеді.
«Қазақстан арқылы транзитке байланысты маған жүк тасушылар хабарласты. Олар көршілер ай сайын бір жүк көлігі үшін 4-5 мың доллар талап етіп жатқанын айтады. Мен ЕАЭО аясында кездесу өткізуді сұраймын. Сіздер қазір «Дордой», «Қара-Суу» базарындағы жағдайды жақсы білесіңдер», — деді Тиллаев 10 маусымда өткен парламент отырысында.
Мамыр айының соңында «Ақтілек» өткізу бекеті арқылы Қазақстанға өту үшін 80-90 көлік кезекте тұрғаны күндер болған. Шекара қызметі мұндай ұзын-сонар кезек экономикалық қатынас жанданып, жүк көлігі тасымалы көбейгенімен байланыстырған.
Қазақстан арқылы жүк тасушылар мәселесі 3 маусымда қырғыз үкіметінің басшысы Улукбек Мариповтың Қырғызстандағы қазақ елшісі Рапил Жошыбаевпен кездесуі кезінде талқыланған.