Қырғызстан былтыр қыс мезгілінде Өзбекстан мен Қазақстаннан алған электр энергиясын қайтара бастайды. Осылай деп Қырғызстанның «Электр станциясы» компаниясы мәлімдеді.
Компания мәліметінше, қазір Тоқтағұл су қоймасында су көлемі 12 млрд 699 млн текшеметрді құрайды. Бұл былтырғы жылмен салыстырғанда 1 млрд 175 млн текше метрге көп. Секундына 794 текше метр су келіп жатыр.
«Былтыр қыс мезгілінде Өзбекстан бізге сағатына 501,4 млн киловатт, ал Қазақстан сағатына 440 млн киловатт электр энергиясын берген. Бұл қыстан өтуге жақсы көмектесті», — деп мәлімдеді компания өкілі.