Қырғызстанда ОРВИ вирусының көбеюі себебінен барлық мектеп 24 желтоқсанға дейін карантинге жабылды. Бұл жөнінде елдің білім және ғылым министрінің орынбасары Надира Жусупбекова Жогорку Кеңештің отырысында хабарлады.
Оқушылардың сабағы онлайн режимге ауысқан.
Орви вирусы әсіресе Бішкек, Шу және Талас облыстарында өршіп тұр. Онда 17-30% балалар ауырып мектепке бармай қалған.
15 желтоқсандағы көрсеткіш бойынша, Қырғызстанда 509 мектеп және 168 балабақша карантинге жабылған.
Денсаулық сақтау министрлігінің мәліметінше, 14 желтоқсандағы жағдай бойынша ОРВИ жұқтырған 9 мың 809 адам тіркелген. Олардың 70%- балалар.