Қырғызстанның экономика және қаржы министрлігі интернет арқылы сауда жасайтын және қызмет көрсететін кәсіпкерлерден салық алуды көздейді.
Министр Акылбек Жапаровтың 12 тамыздағы мәлімдемесі бойынша бұл салада жұмыс істейтіндердің саны 55 мың шамасында.
«Бұлардың ішінен салық қызметінің тіркеуінде 11 мың кәсіпкер болса, салықты бар болғаны 7-8 мың адам ғана төлейді», — деді Жапаров.
12 тамызда экономикадағы төтенше жағдай бойынша заң жобасы талқыланған. Бұл заң жобасы Жогорку Кеңеште үш оқылымда қабылданған.
10 тамызда Қырғызстандағы 70-тен астам бизнес-ассоциацияның басын біріктіретін ұйым президент Садыр Жапаровқа ашық хат жазып, бұл заң жобасына қол қоймауға шақырған.