Өзбекстан билігі Еуроодақтан ресейлік олигарх Алишер Усмановты ел экономикасына инвестиция салып жатыр деп санкциядан алып тастауды сұраған. Бұл жөнінде Financial Times басылымы жазды.
Газет дереккөзіне сүйеніп, өзбек үкіметі Еуроодаққа мүше бірқатар елдердің санкцияны алып тастауының артында тұрған.
FT мәліметінше, Ташкент сонымен бірге оның қарындасы Гүлбахар Исмаиловаға қарсы санкцияларды да алып тастауды сұраған. Бұдан бөлек 600 млн доллар тұратын «Дилбар» суперяхтасын бұғаттан шығаруды өтінген.
Өзбекстанда туып-өскен Алишер Усманов бұл елге жүйелі түрде көмек көрсетіп келеді.
Financial Times Өзбекстанның СІМ-ге араша түсудің себебін сұрап, хат жолдаған. Онда «Өзбекстан үкіметінің әрекетіне пікір білдіре алмайтынын, бірақ бұл санкциялар бизнесменге елге инвестиция жасауға кедергісін келтіріп жатыр» деп жауап берген.
Алишер Усманов Ресейдегі ең бай адамдардың бірі. Forbes оның байлығын 11,5 миллиард долларға бағалаған. Ақпан айының соңында Ресей Украинаға басып кіргеннен кейін, ресейлік шенеунік, бақуатты адамдармен бірге ол да Батыс және АҚШ-тың санкциясына іліккен.
Оны санкциядан алып тастау жөнінде Венгрия билігі де өтініш түсірген.