Өзбекстанда кезекті рет президент болып сайланған Шавкат Мирзияевтің инаугурациясы 14 шілдеде парламенттің заң шығару палатасы мен сенатының бірлескен отырысында өтеді. Бұл туралы Олий мәжілісі хабарлады.
Ресми мәлімет бойынша, 9 маусымда мерзімінен бұрын өткен президент сайлауында Шавкат Мирзияев сайлаушылардың 87,05 пайыз дауысын алған.
Мирзияев 2021 жылы ант беру рәсімінде Өзбекстанда конституциялық реформа жүргізетінін айтқан.
Негізгі заңның жаңа редакциясы бойынша референдум биыл 30 сәуірде өтті. Ресми мәлімет бойынша сайлаушылардың 90,2% Конституцияны өзгертуді қолдаса, 9,35% қарсы дауыс берген.
9 шілдеде өткен президент сайлауынан кейін ЕҚЫҰ-ның Демократиялық институттар және адам құқықтары бойынша бюро байқаушылары дауыс беру процесі «техникалық жақтан жақсы ұйымдастырылған, бірақ шынайы бәсеке болмады» деп атап өткен.