Чунян әкесімен бірге. Фото: Daily Mail Online
Ли Чунян 70 жастағы әжесі және мүгедек әкесімен бірге тұрады. Анасы болса, қатерлі ісіктен 2010 жылы көз жұмған. Өмір қиындықтарына мойымаған қыз бала бүгінде бүкіл елге танымал болып отыр. Себебі, Чунян әкесі мен әжесінің еңсесін түсірмеу үшін қашан да күлімсіреп жүреді екен. Қыз баланың өмірге деген ерекше құштарлығына әлем жұртшылығы таң қалуда.
Әкесі отбасын асырау үшін 2012 жылы құрылыста жұмыс істейді. Сол жерде ауыр жарақат алған ер адам ақыры арбаға таңылған. Отбасы ай сайын мемлекет төлейтін кішігірім жәрдемақыға күн көруде.
Қыз бала азын-аулақ азықты алдымен әкесі мен әжесіне жегізіп, содан кейін ғана өзі ауыз тиетін көрінеді. Қыздың отбасына деген ыстық қарым-қатынасының куәсі болған көршілері еріксіз көздеріне жас алатынын жасырмайды.
Чунян мемлекеттен келіп жатқан азын-аулақ көмектің өзіне шексіз алғысын білдіріп отыр. Ол барынша білім алып, болашақта еліне деген қарыздары еселеп қайтарудан үмітті.