Алматылық Матаева Гаухар Мұқанқызына жақындары іздеу жариялайды.

46 жастағы әйел 17 ақпан күні жұмысынан таңғы 8 сағат 50 минут шамасында шығып, үйіне содан бері оралмаған деп хабарлайды 31 арна.

Жақындарының айтуынша, еден жуушы болып, небәрі екінші күн жұмысына барған Гауһар Мұқанқызын, қалалық №8 емхананың басшылығы, сол күні жұмысынан шығарған екен.

Ондағылар, аяғын сылтып басатын келіншек, жұмысын баяу істейді, сол себепті жұмыстан босаттық деп жауап беріпті. Содан бері үйіне оралмаған әйелдің үстінде ұзын қызыл күрте, сұр түсті спорттық киім, басында ақ тақия болған. Қолында сумкасы мен ақ пакеті бар дейді жақындары.

Айрықша белгілері: оң аяғын сылтып басады. Гауһардың жақындары, әйелдің 9 жыл бұрын алған психологиялық күйзелістен есін ұмытып қалуы мүмкін дейді. Сондықтан суреттегі әйелді көрген-білген адамдар болса, 8 705 727 54 74 телефон нөміріне хабарласуын өтінеді.

«Больница бойынша ғана достары болатын, басқа жоқ. Өйткені, аяғы сынғалы бері бір жыл бойы үйінде отырған болатын. Ешқайда шықпай. Туған туыс, жақын достарының бәріне хабарласып, біліп шықтық. Больницаларға да хабарластық, ол жақтарда да жоқ», — дейді келіншектің жақындары.