Санкт-Петербордағы мінберде сөз сөйлеген Қазақстан президенті американдық журналистің сауалына жауап беріп, әйел басшының болуында еш сөкеттілік жоқ екенін айтты.
Президенттің бұл жауабы елімізде үлкен талқыға салында. Мемлекет басшысының мәлімдемесіне қатысты қоғам қайраткері Сәуле Мешітбаеваның Абай.кз сайтында пікірі жарияланды.
«Президенттің сөзін бұл жерде бұрмалаудың керегі жоқ деп ойлаймын. Американдық журналист бұл сұрақты әдейі қойды. Ал елбасы елімізде демократияның бар екендігін осылайша көрсетті. Гндерлік саясаттың барын айтты. Бірақ оны əркім өз деңгейінде қабылдап, түрлі ауанда таратты. Әрине, жұрт дереу қызын айтып жатыр деп қабылдады. Бірақ елбасы ол сұраққа да жауап берді. Шындығына келгенде қазір елімізді əйел басқаруға дайын емес. Елді мемлекеттік нөмірі бірінші лауазым деңгейінде басқаратын əйел де жоқ деп ойлаймын. Осындай форумдарда əрине гендерлік саясат туралы айтқаны жөн. Мен солай есептеймін», — деді ол.
Еске сала кетсек, Қазақстан президенті Нұрсұлтан Назарбаев Санкт-Петербор барып ЕАЭО аясында өткен Халықаралық экономикалық форумға қатысып қайтты.