Фото: Baq.kz
Хикаяның аяқталатынын «Қазақстан» телерадиокорпорациясының төрағасы Кемелбек Ойышбаевтың өзі растады.
«Келінді қашан құртасыздар, Жаңа жылдан бастап үнді сериялдары берілмейді дегенді оқып, естіп ой бір қуанып едік….. әзірге сыңқылдаған үнді сериялының музыкасының үні өшпей тұр», – деп назын білдірген көрерменге Ойышбаев мырза ақпан айында аяқталатынын айтып, көңілін жайландырды.
Осының алдында бұл телехикая 2015 жылдың тамыз айында шамалы уақытқа тоқтап, кейіннен қайта жалғасқан болатын.
Ұлттық арна басшылығы тіпті, осы фильмде ойнаған Ананди рөлінің сомдаушысы-Авика Гор, Шив — Сиддхарт Шукланы арнайы шақырып, кездесу өткізген болатын.