6-7 наурызда Украинадан Польшаның Катовице әуежайы арқылы Өзбекстанның 674 азаматы елге ұшып келді.
Өзбекстан сыртқы істер министрлігінің ресми өкілі Юсуф Кобулжановтың айтуынша, эвакуацияланғандар арасында 109 әйел, 57 бала және 12 нәресте бар.
28 ақпаннан бастап Ташкент Өзбекстанның 4 359 азаматын соғыс ошағынан алып шығу үшін 19 әуе рейсін ұйымдастырды.
СІМ өкілінің хабарлауынша, 7 наурызда Өзбекстанға тағы бір рейс ұшып келеді. Польшада 350-ден астам өзбекстандық қалды.