Қырғызстан депутаты Жусупбек Коргонбай уулу елде доллар жетіспейтінін мәлімдеді.
Оның сөзінше, алыпсатарлар ресейлік рубльді әкеліп, Түркия, Қытай, Ресей және басқа елдерге долларды шығарып жатыр.
Ол қазір елде доллар тапшы екенін, бұл бағаның өсуіне де әсер ететінін айтты.
Осыған дейін Ұлттық банк төрағасы Кубанычбек Боконтаев Жогорку Кеңеште сөйлеген сөзінде, долларды жаппай Ресейге әкетіп жатқанын айтқан. Бұл ақпаратты елдің премьер-министрі Ақылбек Жапаров та растаған.
Қазір Қырғызстанда бір АҚШ доллары 85 сом шамасында.