Армения астанасы Еревандағы «Сурмалу» сауда орталығында болған жарылыстан бір адам қаза тауып, тағы 51 адам жарақат алды. Бұл туралы Азаттықтың армян қызметі хабарлады.
Төтенше жағдайлар министрлігінің хабарлауынша, жарылыстан кейін өрт шыққан. Үйінді астында адамдар қалуы мүмкін екенін айтады.
Әзірге жарылыс себептері белгісіз. Әлеуметтік желілердегі ақпаратқа қарағанда, ғимаратта отшашу жарылған болуы мүмкін. Бірақ билік бұл ақпаратты растаған жоқ.