Бір қарағанда байқалмағанымен, кей өсімдіктердің ажал құштыратын құпиясы болуы бек мүмкін деп жазады nationalgeographic.kz.
Nepenthes өсімдігі. Фото: nationalgeographic.kz
Бристол университетінің биологы Ульрик Бауэр мен оның әріптестері жақында имекше келген, өзі шәрбат бөліп шығаратын Nepenthes атты тропикалық өсімдіктің бар екенін анықтады. Тұрқы құмыраға келетін оған жемтік табудан асқан оңай жұмыс жоқ.
Сонда қалай дейсіз ғой? Күн райының құбылуын пайдаға жарату арқылы. Шәрбат іздеп шарқ ұрып жүрген құмырсқаларға құмыра-гүлдің құрғақ «ернеуінен» артық жер жоқ.
Nepenthes өсімдігі. Фото: nationalgeographic.kz
Nepenthes жорыққа шыққан құмырсқалардың илеуіне айналады. Ал тропикалық климаттың әсерінен сырты ылғалданып шыға келетін өсімдік ажал қақпанына айналады.
Қауіптің барын құмырсқалар бірден біле қоймайды, әрине. Ескеретін жайт, аталмыш айла-шарғы негізінен топ болып өмір сүретін жәндіктермен қоректенетін өсімдіктерге ғана тиімді.