Иранның ең консервативті саясаткерлерінің бірі Ибрагим Раиси 18 маусымда өтетін президент сайлауында жеңіске жетіп қалуы ықтимал екені айтылып жатыр. Раиси 2019 жылдан бері өлкенің сот билігін басқарып келеді. Оны 1988 жылы он мыңдаған оппозиция өкілдерінің өліміне кінәлағандар бар.
61 жастағы Ибрагим Раиси 2017 жылы президенттік сайлауға қатысып, бірақ қазіргі президент Хасан Роуханиден жеңіліп қалған. Ол сайлаушылардың 38 пайыз дауысын алған.
Жергілікті бақылаушылар қазір консерваторлар Раиси жеңіске жету үшін барлық мүмкіндікті қолданып жатқанын айтады. Олардың сөзінше, коррупционерлердің саусақтарын ғана емес, қолын да кесуге уәде берген адам президент болуы мүмкін.
«Оның есімін Иранда өзгеше ойлайтындарды өлім жазасына тарту ісімен байланыстырады, ол ғана емес Хасан Роухани бір жолы оған мұны ескерткен», — деді Иранның бұрынғы саяси тұтқыны Ираж Месдоки.
Ибрагим Раиси 1988 жылы ислам жүйесінің оппозиционерлерін өлім жазасына тарту бойынша үкім шығарған комитеттің құрамында болғаны үшін АҚШ оған санкция салған.