ДАИШ содырлары. Фото: ras.kz
«Ислам мемлекеті» тобырының содырлары Ирактың Мосул қаласы түбіндегі екі ауданда кемінде 232 бейбіт тұрғынды атып өлтірді.
Бұл туралы РИА «Новости» ақпарына сүйенген ras.kz хабарлады.
Мұны Ирак парламентінің депутаты, адам құқығы жөніндегі комитеттің басшысы Абдель Рахим аш-Шамри айтты.
«ДАИШ содырлары Найнава провинциясындағы айуандықтарын одан әрі жалғастырып, Хаммам-әл-Алиль ауданында 190 адамды өлім жазасына кесті. Тағы 42 адам ДАИШ-пен ынтымақтастық жасаудан бас тартқандары үшін Әл-Аридж елді мекенінде жазаға ұшырады», — деді ол.
Мұнда 2014 жылы терроршылардың қолына көшкен Мосулды азат ету мақсатындағы ДАИШ-қа қарсы операция 17 қазаннан бері жүріп жатыр.