Шешенстан басшысы Рамзан Қадыров Украинаға соғысуға барғысы келген әрбір еріктіге 300 мың рубльден төлейтінін айтты деп жазады «Агентство»басылымы.
Үміткерлерге жасы 50-ге дейін, денсаулығы жақсы болуы тиіс деген шарт қойылған. Әскерде қызмет еткені, етпегені маңызды емес, еріктілерді жинау Грозный қаласындағы әкімдікте өтіп жатыр деген. Еріктілерді он күн бойы соғысқа дайындайды екен, бірақ олармен келісім шартқа отырмайды.
«Агентство» басылымы Қадыровтың телеграм каналында еріктілермен әскери жаттығу өткізіп жатқан видео жарияланғанын хабарлайды. Видеода еріктілер арасында 47 жастағы Тамбов тұрғыны Юрий Татаринцевтің бары айтылады. Ол бұрын адам ұрлап, өлтіргені үшін сотталған.
Наурыз айында Рамзан Қадыров Украинаға соғысуға мыңдаған ерікті аттанғанын мәлімдеген.