Бішкек қалалық соты 3 мамырда «Кемпірабад ісі» бойынша қамаудағы саясаткерлер Азимбек Бекназаров пен Кубанычбек Қадыровтың бөгет шарасын өзгерту туралы адвокаттарының арызын қарап, қанағаттандырмады.
Екі саясаткер да 20 маусымға дейін тергеу абақтысында қалады.
2 мамырда аталған сот «Кемпірабад ісі» бойынша қамалған басқа белсенділер Эрлан Бекчоро уулу, Равшан Жээнбеков, Рита Карасартова, Акыл Айтбаев және Илгиз Шаменовтің де істерін қарап, оларды да 20 маусымға дейін қамауда қалдырған.
Қазір бұл іс бойынша 16 белсенді абақтыда отыр.
2022 жылдың қазан айында өзбек-қырғыз шекарасындағы Кемпірабад су қоймасы Өзбекстанға өтіп жатыр деп, белсенділер акцияға шыққан. Кейін олар су қоймасын қорғау комитетін құрған.
Артынша оларға елде жаппай тәртіпсіздік ұйымдастырмақ болды деген айыппен іс қозғалды.