Мәскеу әкімдігі еңбек мигранттары отбасында дүниеге келген әрбір балаға 20 мың рубльден төлейді. Жыл сайын осы мақсатқа 700 млн рубль жұмсалады. Бұл туралы Readovka жаңалықтар порталы хабарлады.
Басылым журналистері Мәскеудегі перзентханаларда таратылған буклеттермен танысқан. Онда әрбір нәрестеге 20 мың рубль төленетіні үлкен әріптермен жазылған. Осындай материал «Роды в Москве» сайтында да жарияланды. Мәлімет түрлі тілдерге аударылған.
Былтыр ақпанда Мәскеу үкіметі жаңа туған нәрестеге 20 мың рубль сыйақы тағандау туралы қаулы қабылдаған.
Егіз немесе үшем туған жағдайда сыйақы әр балаға есептеледі.
Мәскеу мәрінің ресми сайтында ана мен балаға берілетін сыйлықтар пакетіне 40-тан астам тұрмысқа қажетті зат кіретіні айтылған.