АҚШ Мемлекеттік департаменті Тәжікстанды 1992 жылдан бері бір ғана адам басқарып келе жатқан авторитарлық өлке деп атады.
Мекеменің әлемдегі адам құқықтары жөнінде 2022 жыл бойынша дайындаған баяндамасында Тәжікстанның Конституциясы көп партиялыққа кепілдік берілетіні, бірақ билік саяси плюрализмге тосқауыл етіп жатқаны жазылған.
Баяндама авторлары президент Эмомали Рахмонның ұлы, Душанбе қаласының мэрі Рустами Эмомали 2020 жылы тәжік парламентінің жоғарғы палатасының төрағалығына сайланып, әкесінен кейін елдегі екінші адамға айналып, мұрагер болып қалғаны атап өтілген.
«2020 жылдағы парламент және президент сайлаулары еркін емес әрі әділетсіз өтті… Барлық күш құрылымдары мен кеден қызметі президентке бас иеді. Біздегі ақпаратқа сәйкес, Ұлттық қауіпсіздік қызметі өкілдері көптеген заңға қайшы әрекеттер жасайды», — деп жазылған мемлекеттік департамент баяндамасында.
Сонымен бірге Эмомали Рахмонның тұсындағы осыған дейінгі барлық сайлау халықаралық талаптарға сәйкес және ашық өтпегені айтылған.
«Бұдан бөлек Тәжікстанда азаматтарды саяси себептермен қамауға алу, азаптау, өлтіру, журналистерді қорқыту, сөз және дін еркіндігін шектеу секілді адам құқықтары бұзылған жағдайлар тіркелген», — деп жазылған баяндамада.
Өткен аптада әлемнің 197 өлкесіндегі азаматтық қоғамның және азаматтық құқықтардың жағдайын бағалайтын CIVICUS халықаралық ұйымы Тәжікстанды «жабық» өлке деп таныды.
Ұйымның 16 наурызда жариялаған баяндамасында Тәжікстанмен бір қатарда Түркіменстан, Қытай, Сирия, сонымен бірге Африка және Азия континентіндегі бірқатар өлкелер бар.