Әнші Қарақат Әбілдина қарақат жидегінен жасалған «көйлек киіп», көпшілік назарына ұсынды деп хабарлайды NUR.KZ.
Фото әншінің Instagram парақшасынан алынды
Ол өзінің парақшасына өнер туындысының суретін салды. Белгісіз біреу қылқаламмен әншінің суретін салып, оған кәдімгі қызыл және қара қарақаттан көйлек «кидіріп қойған».
Өмірде де айрықша көйлектер киюді қалайтын әнші суреттің астына: «Қарақаттар сіздерге қайырлы түн тілейді», — деп жазып қойды.
Оқырмандар мұндай ерекше «көйлекті» ұнатып қалды. «Енді өмірде де осындай көйлек кию керек сізге», «Адамның қиялында шек жоқ, керемет», «Енді сахнаға осылай киініп шығыңыз», «Өте әдемі, сіздің көйлектеріңізге ұқсайды екен», — деп жазды қолданушылар.