26 ақпан күні кешкі 19:30 шамасында ОҚО Ордабасы ауданы, Шұбарсу елдімекенінде жантүршігерлік оқиға орын алды.
«Volkswagen Passat» маркалы автокөлігін тізгіндеген жүргізуші рөлге ие бола алмай, үй маңында ойнап жүрген бір топ жасөспірімдерге қарай беттейді. Жоғары жылдамдықпен жүйіткіген көлікті көрген балақайлар қашуға ұмтылған,деп хабарлайды ТВК арнасы.
Өкінішке орай көлік бесік арбадағы бір жарым жас шамасындағы Мәлік Ақнұрованы сүйреген күйі сол маңдағы дүкеннің қабырғасына ұрған. Көлікпен ғимараттың арасында қалған бүлдіршіннің бір аяғы жамбас тұсынан жұлынып кеткен.
Хамит Ақнұрова денесі бөлшектеніп жатқан ұлын аудандық ауруханаға жеткізген. Қазіргі таңда бала жансақтау бөлімінде ес-түссіз жатыр.
Баланың жұлынып кеткен аяғының бір бөлшегі ата-анасында, төменгі жағы медициналық сараптамаға жөнелтілген
Куәгерлердің сөзінше көлікте ішімдікке сылқия тойған қос бірдей ер адам болған. Масыққандары соншалық, апат тудырғандар баланың анасын балағаттап, қол көтермек болған.
Әзірге ұсталғандар қамауда, анықтау жұмыстары жүргізілуде.