Қыздың анасы — Жанатгүл Баелова. Скриншот ТВК арнасынан
Оңтүстік Қазақстан облысында болған оқиға бүкіл елді шулатты. 61 жастағы тұрғын туған балдызының қызын 10 жасынан бастап зорлап келген.
Бұл туралы ТВК арнасына сілтеме жасаған NUR.KZ хабарлайды.
Балдызының қызын бірнеше жыл бойы зорлап келген ер адам 18 жылға темір торға тоғытылды. Алайда, алданған қыздың анасы жездесіне кешірім жоқ деп отыр.
«18 жылға сотталса да, оны кешірмеймін. Қызымның өмірі бекерге қор болды. Жездеміз үкімді естіген соң бізді қарғап-сіледі. Оны мен көңіліме алған жоқпын», — дейді қыздың анасы Жанатгүл Баелова.
Жездесінен жүкті болған қыз. Скриншот ТВК арнасынан
Ал кәмелеттік жасқа толмай, ана атанған қыз бала бүгінде «Аналар үйін» паналап отыр.