Белгілі саясаттанушы Расул Жұмалы ел билігі ұрандатып жатқан үштілділікті бірінші өзінен бастау керек деген ойда. Бұл пікірін ол Фейсбуктегі өз парақшасында жариялаған.
«Үштілділікті керек етсе, билік алдымен өзінен бастасын. Ағылшынды былай қойғанда, қайсысы қазақша біледі, қайсысы үкімет пен парламент жиындарын қазақша өткізеді? Сорақысы – премьер не министр тағайындалған соң ғана қазақша үйренемін деп уәде береді. Бұндай есуастық еш елде жоқ. Өз елінің тілін менсінбейтін шенеунік кімге керек? Ал өздері білмесе, кішкене балалардан үштілділікті талап етуге ондайларлың не хақысы бар? Бұл Қазақ тіліне, Қазақ мектебіне, олай болса Қазақ халқына жасалып отырған нағыз қастандық. Рухани геноцидке жол берсек, халық ретінде де құримыз», — деп жазады Жұмалы.
Посттың астында пікір қалдырып жазғандар саясаттанушыны қолдаған.