Ресейдің бас прокуратурасына Алла Пугачеваның үстіне Украинаның қарулы күштеріне «қаржылық қолдау көрсеткен-көрсетпегенін» тексеру жөнінде арыз түскен.
Ресей ақпарат құралдарының мәліметінше, Пугачеваға қарсы арызды «Қауіпсіздік және жемқорлыққа қарсы күрес жөніндегі федералдық жобаның» басшысы Виталий Бородин жазған.
Онда Израильде тұрып жатқан әнші Ресейден қашып кеткен және соғысты сынаған мәдениет өкілдерін қолдап, украин армиясына қаржылай көмек көрсетіп жатқаны жазылған.
Осыған дейін Бородин халық әртісі Лия Ахеджакованы «шетел агенті» деп тану жөнінде және оған қарсы қылмыстық іс қозғау жөнінде арыз жазған. Бұдан бөлек актер Данил Козловскийдің, әнші Валерий Меладзенің және «Ночные снайперы» тобының лидері Диана Арбенинаны тексеруді талап еткен.
Ресей былтыр ақпан айында Украинаға шабуыл жасағаннан кейін Алла Пугачева отбасымен Ресейден кеткен.