Орталық сайлау комиссиясы (ОСК) Respublica мен «Байтақ» партияларын басым аймақтардан мәслихат сайлауына жіберді.
Атырау облысынан басқа барлық өңірлерде Respublica партиясы өкілдері 19 наурызда өтетін мәслихат сайлауына жіберілді.
ОСК өткен аптада қаңтар айында тіркеуден өткен партиялар мәслихат сайлауына жіберілмейтінін, себебі, аймақтарда әлі филиалдары толық құрылып бітпегенін айтқан.
Жасылдар ұйымымыз деп есептейтін «Байтақ» партиясы 12 аймақ бойынша мәслихат сайлауына жіберілді. Тек Абай, Ақмола, Жетісу, Солтүстік Қазақстан және Ұлытау облыстары бойынша өтініш бермеген.
Мәслихат сайлауы кезектен тыс өтетін мәжіліс сайлауымен қатар 19 наурызда өтеді. Сайлауға қатысу жөніндегі өтініш 20 қаңтарда басталып 18 ақпанға дейін созылады. 98 депутаттың 29-ы бір мандатты округ арқылы, қалған 69-ы партия тізімі арқылы парламентке сайланады. Мәслихат сайлауына 50 пайызы бір мандатты округтен, 50 пайызы партия тізімі арқылы өтеді.
ОСК мәжіліс сайлауына тізімге енген әрбір үміткер 1 млн 50 мың теңге, ал мәслихат сайлауы үшін әрбір үміткер 350 мың теңге жарна төлейді деп мәлімдеген.