Қытайдың Сюаньвэй қаласында ер адам жаңа туылған нәрестесінің түрінен шошып, оны қоқыс жәшігіне лақтыра салды. Бұл туралы NUR.KZ порталы life.ru сайтына сілтеме жасап хабарлайды.
Ер адам екі сағат бұрын ғана дүние есігін ашқан қызын қағаз пакетке орап, қоқыс жәшігіне лақтырып жатқан сәтінде бейнебақылау камерасына түсіп қалған.
Абырой болғанда, баланың жылағанын бейтаныс кейуана естіп қалып, оны құтқарады. Полицейлер қыздың әкесін құрықтады. Ол қызының денесі күлгін түсті болғаны үшін одан шошып, қоқыс жәшігіне лақтыра салғанын алға тартқан.
Әйелі нәрестені пәтерде дәрігерлердің көмегінсіз босанғасын, ер адам қызын дене түсіне бола тірі қалмайды деп ойлапты.
Ал дәрігерлер сәбидің денесінің түсі күннің суық болғанынан ғана өзгергенін және оның дін-аман дүниеге келгенін айтуда. Бүгінде нәресте балалар үйіне жатқызылған.