Әлеуметтік желіде тұрғынның сұрағына қазақша жауап бермеген касса қызметкерінің видеосы пайда болды.
Видеода ер адамның қазақ тілінде билет сұрап тұрғанын естуге болады. Алайда, «қазақ тілін білетіндей, қазақ емеспін» деген қызметкер оған мардымды жауап қайтармайды.
«Қалай ол сонда, айтыңызшы? Мен сізге билет беріңіз деп тұрмын ғой. Мен орысша білмеймін. Билет берсеңізші», — деп ренжіп тұрған азаматты қасындағы жігіт «білмейді қазақ тілін, болды ғой» деп сабырға шақыруда.
Видеоны көргендердің дені кассада отырған бойжеткен заңнамаға сәйкес, қазақ тілінде қызмет көрсетуге міндетті екенін жарыса жазуда.
«Онда біз де орыстарға «мен орыс емеспін, орысша сөйлемеймін» деп айтайық», — деп ренжіді пікір қалдырушылардың бірі.
Бұл жайт қайда және қашан болғаны әзірге белгісіз.