Түркияда зілзала болған аймақта Өзбекстанның 13 азаматы іздестіріліп жатыр. Бұл туралы Өзбекстанның Стамбұлдағы бас консулдығы хабарлады.
7 ақпанда сағат 17:00-дегі (Түркия уақыты) мәлімет бойынша, зілзала болған аймақта Өзбекстанның 13 азаматы іздестіріліп жатты.
Бұған дейін Малатья провинциясында Өзбекстанның бір азаматы қаза болғаны, төрт өзбекстандық іздестіріп жатқаны хабарланған. Туыстары мен жақындары 15 өзбек азаматын іздестірген, солардың екеуі табылған.
Өзбекстанның Түркиядағы дипломаттары 17 өзбек азаматын апат аймағынан Стамбұлға жеткізуге көмектесті. Олардың арасында 13 спортшы бар.
Сейсенбі күні Өзбекстан екі ұшақпен гуманитарлық көмек пен 100 құтқарушысын Адана және Газиантеп қалаларына жеткізді. Құтқарушылар Хатай облысындағы Овакент ауылында құтқару жұмыстарына кірісіп кетті. Мұнда 15 мыңнан астам этникалық өзбек тұрады.
Өзбекстанның Анкарадағы елшілігі тәулік бойы жұмыс істейтін штаб ұйымдастырып, байланыс телефонын жариялады: +90−538−035−85−34.