Түркия президенті Режеп Ердоған зілзаладан қатты зардап шеккен 10 аймаққа үш айға төтенше жағдай енгізілді.
Соңғы мәліметтер бойынша, Түркияда табиғи апаттан қайтыс болғандардың саны 3500 адамнан асқан, ал көрші Сирияда 1600-ден асқан.
Сейсенбі күні тікелей эфир арқылы мәлімдеме жасаған Ердоған төтенше жағдай құтқарушылардың жұмысын тездету мақсатында жарияланғанын айтты.
Ақпанның 6-сы күнгі жер сілкінісі осы ғасырда Түркияда болған аса ірі зілзала саналады. Ердоған оны «1939 жылдан кейін қайталанған аса ірі табиғи апат» деп атады. Дүйсенбі күні магнитудасы 7,7-ге тең жерасты дүмпуі тағы қайталанған. Дүмпу Грузия, Армения, Ливан, Иранда да сезілген.
Ердоғанның сөзінше, бүгінге дейін Түркияға дүниежүзінің 70 елі көмектесуге уәде берген. Қазақстан да Түркияға құтқарушылар жіберген.