Тәжікстанның Таулы Бадахшан автономиялы облысының әкімшілік орталығы — Хорог қаласының бір тұрғыны әскери қызметтен жалтарғаны үшін сотталды.
Сот үкімімен Сорбон Комилов бір жылға бас бостандығынан айрылды.
Бұл туралы Тәжікстан бас прокуратурасы 1 сәуірде хабарлады. Сол күні елде көктемгі әскер қатарына қабылдау науқаны басталды.
Тәжікстан азаматтары әскери борышын өтеуге міндетті, одан жалтарғандарға жаза қолданылады.
Бас прокуратура мәліметінше, Сорбон Комилов 2022 жылғы наурызда әскери комиссариатқа шақыртылған, бірақ ол ешқандай себепсіз бұл мекемеге келмеген.
2022 жылы Тәжікстанда әскери қызметтен жалтарған 108 жасөспірім жауапқа тартылған.