Тәжікстанның Исфара қаласы билігі Найман ауылындағы «Умари Одил» мешітін жабу туралы шешімін жойды.
Мешіт 9 мамырда жабылған. Онда жергілікті билік имам-хатиб пен тұрғындардан әскер жасындағы балаларын армияға жіберуді талап етіп, болмаса мешіт жабылатынын хабарлаған.
Ақпратқа қарағанда, ауылдың бірнеше тұрғыны балаларын әскерге жіберуге келіскеннен кейін, мешітті қайта ашатын болған.
Өткен айда Тәжікстанның Пенжикент қаласы мен Рашт ауданында да ата-аналарға балаларын әскерге жөнелту талабын қойып, мешіттердің жабылғаны хабарланған.