Танымал тележүргізуші күйеуінің екінші әйелі бола тұра, қалай бірге өмір сүргенін айтып берді

Тележүргізуші «Ақжүніс» бағдарламасының неліктен жабылып қалғанына тоқтала келе, өзінің жеке өмірі туралы айтып берді.

Оның айтуынша, ол күйеуінің екінші әйелінен баласы барына көндіккен.

«Ол кісінің басқа әйелі бар екенін, одан баласы бар екенін ол өзі айтты. Мен мұны көлденең көк аттыдан емес, өзінің аузынан естігенім үшін оны сыйладым , — деді ол.

Оның айтуынша, ол «бәйбіше» рөлінде бір жылдан аса уақыт болған. Бастапқыда бұл жаңалықты кез келген әйел секілді күйзеліспен қабылдаған жүргізуші, өзінің күйеуіне деген көзқарасын сонда да өзгертпей, оны қабылдағанын жеткізді.

«Мен бұдан трагедия көріп тұрған жоқпын», — деген ол өзінің әкесі де, аталары да екі әйел алғанын және екі әйел алушылық қазақ еркектерінің бойына сіңіп қалған дүние дегенді алға тартты.

Дегенмен, күйеуіне баласына барып тұруға рұқсат берген Сәуле онымен  ары қарай бір-ақ жыл өмір сүреді.

«Анам қатты ауырып, оған Ташкентте ота жасалады. Мен соған баруым керек болды да, танысымнан күйеуімнің Жамбылдағы мекенжайын алдым (Жамбылда екенін білемін ол әйелдің). Сөйтіп автобустан таңға түсіп, оған бардым. Сол кезде ол шығып, подъездің алдында сөйлесіп тұрмыз. Күн суық, далада қақаған аяз.

Мен оған: «Менімен барасыз ба, барсаңыз менімен жүріңіз, болмаса азын-аулақ ақша беріңіз»,- деп сұрадым. Ол кісі сол кезде жұмыссыз еді. Менде жоқ қой, қайдан тауып берем деді. Сонда мен оған «анам өлім жатса да, келмейсіз ғой сіз» дедім. Құдай аузыма салды ма, анам екі айдан соң көз жұмды», — деп сырын ақтарды Сәуле.

Сөйтіп, екі баласымен жалғыз қалған Сәуле көптеген қиындықтарды көрсе де, жалғыз өзі оларды тәрбиелеп, өсірген.