Ташкентте 14 жастағы қызға әлімжеттік жасаған мұғалім мен оның достарына сот үкімі шықты. Бұл жөнінде Nemolchi.uz жобасының жетекшісі Ирина Матвиенко хабарлады.
Оқиға биыл көктемде Ташкенттің Мирабад ауданында болған. Сол кезде мұғалім мен оның достары 14 жастағы қызға «бөтелке» ойынын бірге ойнауға шақырған. Ойын кезінде ер адамдар оған жыныстық қатынасқа түсуді ұсынған.
Сот үкіміне сәйкес, мектеп мұғалімі 4 жылға, оның достары екі жылға бас бостандығынан айырылған. Бірақ қыздың анасы істі 118-бап («Топтық зорлау») бойынша қайта қарауды талап ететінін мәлімдеді. Сот бұл істі 128-бап («Кәмелетке толмаған қыздың өз еркімен жыныстық қатынасқа баруы») бойынша қараған.