Алматыда апалы-сіңлілі екі әйелді жауыздықпен өлтірген күдікті іздестіріліп жатыр
Алматыда апалы-сіңлілі екі әйелді жауыздықпен өлтірген күдікті іздестіріліп жатыр деп хабарлайды КТК арнасына сілтеме жасаған NUR.KZ.
Қаскөй бірін 30 рет, екіншісін 16 жерден пышақтап, үйлерін өртеп, өзі тайып тұрған. Өрттен тірі шыққан тағы бір ер адам ауруханада жансақтау бөлімінде жатыр.
Күдікті бірақ алыстан келмепті. Оны марқұмдардың туыстары танып отыр. Ал полиция іздеу жариялағаны болмаса, оны әлі ұстай алмай келеді.
Оқиға осыдан 4 күн бұрын болған. Летняя 84 мекенжайындағы мына үй түнжарымда өртеніп жатқанда көршілері байқап қалыпты. Сол сәтте марқұмдардың күйген мүрделерін өрт ішінен сүйреп алып шыққан.
Азапты өлімге душар болған Людмила Тимофеева мен Ольга Суслинаның көршілерінің айтуынша, олар ешкімге зияны жоқ, өздерімен өздері күн кешіп жатқан адамдар екен.
Ал күдікке ілінген азамат көрші үйдің бейнебақылау камерасына түсіп қалыпты. Қазір ішкі істер органдары 1983 жылдың тумасы Замандин Палтуевті жер-көктен іздеп жатыр. Бірақ әлі нәтиже жоқ.
«Бақылау камерасына оның қанға боялып шығып келе жатқаны түсіп қалған. Ол менің күйеуімнің бұрынғы сыныптасы болып шықты. Бұрын ондайын байқамап едік. Енді осындағы көрші-қолаң болып тағдырымызға алаңдап отырмыз. Ал оны әлі таппай жатыр», — дейді марқұмдардың туысы Мила Журавлева.
Винтоверт DeWalt PowerStack DCF850E1T-QW АКБ и ЗУ в комплекте