Кеңес Одағының Батыры генерал Рахымов атындағы Шымкент республикалық «Жас Ұлан» мектебінде соңғы қоңырау соғылды. Биыл мектепті 168 түлек бітіріп, оларды шығарып салу үшін бүкіл мектеп жиналды.
Түлектер алдында ардагерлік ұйымдардың төрағалары, мектеп бастығы полковник Ғазиз Тілеушев, оқытушылар мен оқушылардың ата-аналары сөз сөйледі.
Мектеп бастығы полковник Ғазиз Тілеушев жеке құрамды оқу жылының аяқталуымен құттықтап, өткен оқу жылының оң нәтижелерін атап өтіп, барлығына Ұлттық бірыңғай тестілеуді сәтті тапсырып, жоғары әскери оқу орындарына түсуге тілек білдірді.
— Бұл күн ересектер үшін де, балалар үшін де әрқашан қызықты. Құрметті түлектер, сіздердің алдарыңызда барлық есіктер ашық, сіздер өмірлік жолдарыңыздың алдында тұрсыздар. Сіздер күш пен қуатқа толысыздар. Сіздерге барлық емтихандарды өте жақсы тапсыруды тілеймін. Ал оқытушылар мен мектептің жеке құрамы еңбектеріңіз, кәсіби шеберліктеріңіз үшін, біздің әр балаға өз жаныңыздың бір бөлігін салғаныңыз үшін шын жүректен алғыс айтамын, — деп қосты полковник Ғазиз Тілеушев.
Қонақтардан құттықтау сөздерінен және түлектердің жауап сөзінен кейін салтанатты саптық жиында кіші курс оқушыларына Туды тапсыру рәсімі өтті.
Мектеп түлектері қонақтарға концерттік бағдарлама ұсынды, онда мектеп оқытушылары мен тәрбиешілеріне жылы лебіздерін білдірді. Салтанатты шараның соңында соңғы қоңырау соғылды.
Іс-шара ұландықтардың салтанатты маршпен өтуімен аяқталды.
