Қазақстан мен Қырғызстан Ресейдің смартфон бағдарламасын қайта орнату туралы заңын сынады
Еуразиялық экономикалық одаққа мүше үш ел Ресей нарығында сатылатын смартфондарға, компьютерлерге және ақылды теледидарларға ресейлік бағдарламалар орнату туралы заңға қарсы шықты.
Бұл туралы «Ведомости» газеті хабарлады. Басылым Еуразиялық экономикалық комиссиясы ішкі нарық департаменті жиналысының хаттамасымен танысқан.
Қазақстан, Беларусь және Қырғызстан өкілдерінің пікірінше, Ресейдің жаңа заңы одақтың ішкі нарығының жұмысына кедергі жасайды.
Техникалардың бағдарламасын қайта орнату туралы заңды Мемлекеттік дума биыл қарашада қабылдады, Ресей президенті Владимир Путин заңға желтоқсанда қол қойды. Құжат 2020 жылдың 1 маусымынан бірқатар техникаға ресейлік бағдарламалар орнатуды міндеттейді. Оның тізімін үкімет дайындайды.
The Bell басылымы бұл заңды «Apple’ге қарсы заң» деп атады. Басылым дереккөзі құжат аталған корпорация мен оның өнімдеріне қарсы жазылғанын айтқан.
newstaraz.kz