Қазақстан құрамасы Еуро-2024 іріктеу турнирінде Солтүстік Ирландияны жеңді
Қазақстан құрамасы Белфаст қаласында өткен матчта Солтүстік Ирландияны 1 : 0 есебімен жеңді.
Еуро-2024 іріктеу турнирі аясында өткен ойындағы жалғыз гол матчтың негізгі уақыты түгесілуге бір минут қалғанда соғылды. Қазақстан құрамасының шабуылшысы Абат Айымбетов алаң ортасында доп алып, қарсыластың қорғанысын жалғыз бұзып өту арқылы қақпаға гол соқты. Жалғыз голдың арқасында Қазақстан құрамасы сырт алаңда үш ұпайға ие болды.
Белфаст қаласындағы жеңістен соң Қазақстан құрамасының Еуро-2024 іріктеу турнирінде жинаған ұпайы тоғызға жетті. Бұның алдында Қазақстан сырт алаңда Сан-Мариноны (3 : 0), өз алаңында Данияны (3 : 2) жеңген.
Қазақстан құрамасы турнир кестесінде бірінші орынды Финляндиямен бөлісіп тұр. Топ фавориті саналатын Дания жеті ұпаймен әзірге үшінші орында келеді.
Винтоверт DeWalt PowerStack DCF850E1T-QW АКБ и ЗУ в комплекте