Қазақстан банктердің мобилді тіркемесін бақылауға алады (видео)
Қазақстан парламенті азаматтардың онлайн-аударымын бақылайтын және салық салатын заңды қабылдады.
Бүгінде Қазақстанда онлайн-аударым барлық жерде кең қолданылады. Бірақ билік бұл қызмет кәсіпкерлердің салықтан жалтаруына жағдай жасап отыр деп біледі. «Картадан картаға» түскен аударым кассалық аппарат арқылы өтпейді әрі салық бақылауынан тыс қалады.
Кәсіпкерлер болса, бұл заңға қарсылық білдіріп, азық-түлік бағасын амалсыздан көтереміз деп отыр.
Нүргүл Бекова Алматыда азық-түлік дүкендерінің бірінде жұмыс істейді. Ол жаңа ереже орта және шағын бизнес өкілдеріне ауыр тиеді деп есептейді.
«Салықты түсірсе екен дейміз. Егер салықты түсірсе, біз таза табысымызды көрсетер едік. Бәрі тыныш, таза жұмыс істейтін еді», — дейді ол.
Егер парламент қабылдаған заңға президент қол қойса, онда жаңа ереже 1 қаңтардан бастап күшіне енеді. Салық салушылар жеке азаматтардың аударымына салық салынбайды, бірақ олар қандай мақсатта ақша аударғанын тексереміз дейді.
Экономист Арман Бейсембаев мобилді тіркемелерге салық салу дұрыс шешім деп есептейді.
«30-50% біздің экономика «көлеңкелі» аймақта. Салық төлемейтін адамдарды сол «көлеңкеден» шығару керек. Бізде қазір бюджет тапшылығы өте жоғары. Ал кәсіпкерлер бюджете салық төлемей, өте жақсы табыс тауып жатыр», — дейді маман.
Винтоверт DeWalt PowerStack DCF850E1T-QW АКБ и ЗУ в комплекте