Қазақстандықтардың 9 млрд теңгесі ресейлік банктерде құлыптаулы жатыр
Үш Ресей банктің Қазақстандағы еншілес банктерінде тұтынушылардың 9,2 миллиард теңгесі (21,5 млн доллар) бұғаттаулы. Осылай деп Қазақстанның қаржы нарығын реттеу және дамыту агенттігі хабарлады.
«Санкциялардың аясында «Сбербанк», «Альфа-Банк» және «ВТБ банктің» Қазақстандағы еншілес банктерінің шетел валютасындағы есеп-шоттары бұғаттаулы. Онда қазақстандықтардың 9,2 млрд теңгесі бар», — деп мәлімдеді агенттік төрайымы Мадина Әбілқасымова депутаттық сауалға жауап беріп.
Атап айтқанда, «Альфа-Банкте» — 6,2 млрд теңге, «Сбербанкте» 2,7 млрд теңге, «ВТБ банкте» 300 млн теңге бұғаттаулы деді ол.
«Бұдан бөлек «Сбербанкте» жеке клиенттердің шетел валютасымен сақтаған 2,9 млрд теңгесі, «Альфа-Банктің» 3,9 млрд теңгесі құлыптаулы жатыр», — деді Қазақстанның қаржы нарығын реттеу және дамыту агенттігінің төрайымы.
Қазір «Альфа-Банк Қазақстанның» жаңа акционері Банк ЦентрКредит банкті АҚШ-тың санкция тізімінен шығарып алуға тырысып жатыр.
Ал ВТБ банкке қатысты клиенттерге ақшаны «басқа банктер арқылы» қайтарып жатуы мүмкін дейді Мадина Әбілқасымова.
Мамыр айының басында Банк ЦентрКредит Альфа-Банк Қазақстанның 100 пайыз акция пакетін сатып алғанын мәлімдеген. Банктің атауы ресми түрде Eco Center Bank деп өзгертілді.
24 ақпанда Ресей Украинаға басып кіргеннен кейін АҚШ-тың қаржы министрлігі Ресей банктеріне санкция салған.
Винтоверт DeWalt PowerStack DCF850E1T-QW АКБ и ЗУ в комплекте