Қырғызстанда Терек-Сайдағы кенді кеңейту үшін 62 үй көшіріледі
Жалал-Абад облысы Чаткал ауданындағы «Эти Бакыр Терек-Сай» компаниясының кен қазу аймағын кеңейту мақсатында Терек-Сай ауылындағы 62 үй көшіріледі. Бұл мәселені тәуелсіз бағалау компаниясының мамандары қарап шығады.
Аталған компанияның баспасөз қызметі таратқан мәлімдемеде «Эти Бакыр Терек-Сай» компаниясы Терек-Сай ауылындағы Мырзабаев көшесінің тұрғындарына пәтер сатып алуға ұсыныс білдіргені жазылған. Осыған байланысты үкіметтік комиссия құрылып, 62 үйді көшіру жөнінде шешім шыққан.
Компания мәселені шешудің бірнеше жолы барын айтады. Біріншісі, өтемақы төленеді және оның көлемін тәуелсіз эксперттер анықтайды. Екіншісі, тұрғындарға басқа аймақтан жер учаскесі беріледі.
24 маусымда Терек-Сай ауылына тәуелсіз бағалаушы компанияның мамандары келеді.
«Эти Бакыр Терек-Сай» бірлескен компания капиталының 75% Түркияның «Эти Бакыр» компаниясына, 25% Қырғызстанның «Қырғызалтын» ашық акционерлік қоғамына тиесілі.
Үкімет мәліметіне қарағанда, «Эти Бакыр Терек-Сай» компаниясында 646 адам істейді, олардың 90% жергілікті тұрғындар.
Винтоверт DeWalt PowerStack DCF850E1T-QW АКБ и ЗУ в комплекте